o tawa ijo lipu

ilo tawa wawa pi sike tu

tan lipu lipu Wikipesija

jan wan anu jan tu li ken tawa kepeken ilo tawa wawa pi sike tu.

ilo Ducati 748 Studio

ilo tawa wawa pi sike tu li jo e ijo mute.

ijo pi ilo tawa
  1. supa sitelen nanpa
  2. ilo awen pi supa sitelen nanpa
  3. suno monsi
  4. suno poka monsi
  5. palisa poki
  6. supa monsi
  7. poki telo
  8. palisa luka
  9. palisa pi lili tawa
  10. poki telo pi lili tawa
  11. supa kon sinpin
  12. ilo pi lukin monsi
  13. suno poka sinpin
  14. open pi supa kon sinpin
  15. suno sinpin
  16. ilo palisa tu
  17. supa sewi pi sike sinpin
  18. palisa kiwen pi insa sike
  19. sike pi lili tawa
  20. ilo pi lili tawa
  21. selo kiwen
  22. ilo pi ante wawa
  23. ilo open
  24. supa noka pi lili tawa
  25. palisa kon
  26. sike monsi
  27. supa awen noka
  28. ilo pi lili kalama
  29. palisa poki

ilo pi pali tawa

[o ante | o ante e toki ilo]

ilo pi pali tawa wan li lon ilo tawa. nasin tu li ken:

ilo tawa pi seli insa

[o ante | o ante e toki ilo]

jan li sike e ilo luka kon lon palisa luka la, poki pi pali kon li open la, kon li tawa insa poki. poki ni li pana e telo wawa lili tawa kon la, ona li pali e kon pi telo wawa. poki li pana e kon wawa ni tawa ilo tawa pi seli insa. kon ni li seli pakala lon insa ilo tawa pi seli insa. seli la, ona li tawa anpa e palisa ilo suli. palisa ilo suli ni li sike e palisa pi tawa sike. palisa pi tawa sike li tawa sike e sike lawa lon ilo pi ante wawa.[1] seli lon insa ilo li pali e kon pimeja. kon ni li kama weka kepeken palisa kon.

ilo tawa seli pi palisa tu tan kulupu Susuki. palisa tu li tawa sewi poka.

tenpo mute la, ilo tawa pi seli insa li jo e sijelo sama wan ni:

  • palisa suli wan li lon
  • palisa suli tu li lon. ona tu li tawa sewi.
  • palisa suli tu li lon. ona tu li tawa sewi poka. ona wan li tawa poka ante pi palisa ante. sijelo li lukin sama sitelen pona suli anu sitelen V. nimi pi sijelo ni li "V2"
  • palisa suli tu li lon. ona li tawa poka li tawa sewi ala.
  • palisa suli tu wan li lon. ona ale li tawa sewi.
  • palisa suli tu tu li lon. ona ale li tawa sewi li lon poka ona sama linja la nimi ona li ilo linja tu tu pi pali tawa.
  • palisa suli tu tu li lon. tu ona li tawa sewi poka. ante tu ona li tawa sewi pi poka ante la, lukin la, ona li sama sijelo "V2" tu. nimi ona li "V4". utala musi la, ilo tawa wawa mute li jo e sijelo ni.[2]

ilo tawa pi wawa linja

[o ante | o ante e toki ilo]

{{toki poka|sona pi ilo ni li lon lipu [[ilo tawa pi wawa linja}} ilo tawa pi mute lili li jo e ilo tawa pi wawa linja.

seli lon insa ilo li pali e kon mute. kon li tawa weka kepeken palisa. ilo tawa mute li kalama wawa a. palisa kon li ken jo e ilo pi lili kalama.

ilo tawa li jo e sike tu. sike sinpin li ken tawa poka. sike monsi li tawa sinpin e ilo tawa.

sijelo palisa

[o ante | o ante e toki ilo]

sijelo palisa li awen e ijo ilo mute. ilo tawa ale li jo e nanpa. nanpa ni li lon sijelo palisa.

ilo palisa tu

[o ante | o ante e toki ilo]

ilo palisa tu li insa e sijelo palisa e siko monsi. ilo ni li jo e palisa insa e palisa selo. sike monsi li lon palisa anpa ona. ilo tawa li tawa nena la, palisa insa li insa e palisa selo la tawa li pilin ike ala.

poki ni li jo e telo wawa seli. mute la, ona li lon sewi pi sijelo palisa li jo e sijelo sike.

ilo pi ante wawa

[o ante | o ante e toki ilo]

ilo ni li poki li jo e sike ilo mute lon insa. ilo tawa li ken tawa kepeken tenpo lili la, tawa ni li wile e wawa suli. ilo tawa li tawa kepeken wawa lili la, ni li wile e tenpo suli.

ilo ni pi ante wawa li jo e sike tu tu

tenpo mute la, ilo tawa li jo e sike tu tu anu luka anu luka wan. jan tawa li wile ante e sike la, ona o luka e palisa lili lon poka open pi palisa luka. tenpo sama la, ona o noka e palisa lili pi ante sike kepeken noka pi poka open. sike nanpa wan en sike nanpa tu li jo e sike nasa lon insa: ona li tawa ala e ilo tawa. jan li ken kepeken ona tan wile ni: ilo pi pali tawa li awen tawa, taso ilo tawa wawa pi sike tu li tawa ala.[3]

ilo open li open e ilo pi pali tawa. ona li ken ilo tawa lili pi wawa linja li ken palisa noka.

ilo pi pana wawa

[o ante | o ante e toki ilo]

ilo ni ni li pana e wawa tan ilo pi ante wawa tawa sike monsi.

linja kiwen sike

[o ante | o ante e toki ilo]

ilo tawa mute li jo e linja kiwen sike. tenpo mute la, ona lin lon poka open pi sike monsi. ona li wile e ko la tan ni: ko li lon ala la, linja li ken pakala.

palisa pi pana wawa

[o ante | o ante e toki ilo]

ilo tawa pi mute lili li jo e palisa ni. tomo tawa kin li jo e ilo ni.[4]

palisa luka

[o ante | o ante e toki ilo]

jan li tawa kepeken ilo tawa la, luka tu ona li lon palisa. ona li sike e palisa la, ilo tawa li tawa poka. poka open la, ilo ilo pi ante suno li lon. ona li nena lili li ken tawa poka tu li ken tawa insa. kin la, palisa lili lon. jan li luka e ona la, ona li lon e wawa tawa ilo pi ante wawa. poka pini la, ilo luka kon li lon. jan li luka e ona la, ilo pi pali tawa li wawa. kin la, palisa pi lili tawa li lon.

ilo pi lili tawa

[o ante | o ante e toki ilo]

ilo ni li lon poka sike. ona li lili e wawa tawa. ken la, ilo li pini tawa la, ona li kama awen. jan li luka e palisa pi lili tawa la, ilo ni li open pali lon sike sinpin. kin la, jan li ken noka e supa noka lon poka pini la, ilo pi lili tawa li open pali lon sike monsi.

poki awen pi lili tawa (pimeja) tan kulupu Penpo li poki e lipu sike (walo kiwen)

palisa luka en supa noka li ken kin open e ilo pi lili tawa lon sike tu. kulupu BMW en kulupu Moto Kusi en kulupu Onta li pali e ilo tawa kepeken ni.[5]

jan li kepeken ilo pi lili tawa la, poki telo pi lili wawa li pana e telo tawa poki awen pi lili tawa kepeken wawa. poki awen pi lili tawa li poki e lipu sike lon poka pi sike tawa. lipu sike li tawa lili la, sike tawa li tawa kepeken lili sama.

ilo tawa suno li jo e suno mute. jan ante li ken lukin pona e jan tawa tan suno ni.

suno sinpin

[o ante | o ante e toki ilo]

ilo suno wan li walo li lon sinpin pi ilo tawa li suli. ona li pana e suno tan ni: jan tawa li wile lukin e nasin. pimeja la, jan tawa li ken wawa e suno la, ona li suno pi lukin weka.

ilo suno poka tu tu li lon. suno ni li jelo. poka tu li jo e suno sinpin e suno monsi. jan li wile tawa pi nasin poka la, ona li ken pana e sona ni tawa jan ante kepeken suno ni. tenpo kepeken la suno ni li ante sike tawa suno tawa suno ala.

ilo suno monsi li loje. suno tu li lon. suno wan li pana e suno lon tenpo tawa ale. jan li lili e wawa tawa la, suno ante kin li pana e suno.

  1. ↑ Alfred Urlaub: _Verbrennungsmotoren. Band 1: Grundlagen._ Springer-Verlag, Berlin u. a. 2013, [ISBN 978-3-642-83216-1](https://de.m.wikipedia.org/wiki/Spezial:ISBN-Suche/9783642832161)
  2. ↑ Fränzschky, S. (2025, January 11). _MotoGP-Reihenmotoren vor dem Aus: Welche Vorteile Das V4-Konzept Bietet_. motorsport. https://de.motorsport.com/motogp/news/motogp-reihenmotoren-vor-dem-aus-welche-vorteile-das-v4-konzept-bietet-25011101/3420900/
  3. ↑ _Using motorcycle gears_. Motorcycle Test Tips. (2021, August 31). https://www.motorcycletesttips.uk/motorcycle-riding-tutorials/using-motorcycle-gears/?amp=1
  4. ↑ Jan Trommelmans: _Das Auto und seine Technik._ 1. Auflage, Motorbuchverlag, Stuttgart, 1992, ISBN 3-613-01288-X
  5. ↑ Integralbremse Motorrad. gÖrage motorcycles. (2025, January 24). <ref>https://goerage.net/integralbremse/</nowiki>
tan https://tok.wikipedia.org/w/index.php?title=ilo_tawa_wawa_pi_sike_tu&oldid=35418