o tawa ijo lipu

musi "kama sin pi ilo Opa Pin"

tan lipu lipu Wikipesija

musi "kama sin pi ilo Opa Pin" (toki Inli la: Return of the Obra Dinn) li musi ilo li tan jan Lukasi Popi li open lon tenpo sike nanpa 2018. musi la, ilo tawa telo Opa Pin li weka lon tenpo pini li kama sin lon tenpo lon. jan musi o alasa e kama pi jan ale.

ilo tawa telo Opa Pin li pali lon tenpo sike nanpa 1796. ona li tawa pini lon tenpo sike nanpa 1802. ona li kama ala lon ma Olijen li lukin weka. ona li kama sin lon tenpo sike nanpa 1807. tenpo sike nanpa 1807 li tenpo lon pi musi ni.[1] jan musi o alasa e kama pi jan ale. jan musi o kepeken ilo lili. ilo ni li ken lukin e tenpo moli pi ijo ale.[2] jan musi o lukin e ni kepeken ilo ni: jan li moli tan jan tan monsuta tan jaki li moli ala.

tenpo pini pi open musi

[o ante | o ante e toki ilo]

jan Lukasi Popi li pali e musi ni. ona li pali kin e musi "o pana e lipu sina" (toki Inli la: Papers, Please).[3] musi ni li open lon tenpo sike nanpa 2013.[4] jan Lukasi Popi li open e musi "kama sin pi ilo Opa Pin" pi pini ala lon tenpo sike nanpa 2016[3] li open e musi "kama sin pi ilo Opa Pin" pini lon tenpo sike nanpa 2018.[2]

tenpo kama pi open musi

[o ante | o ante e toki ilo]

jan mute li toki e ni: musi "kama sin pi ilo Opa Pin" li pona mute.[2][5][6][7]

  1. ↑ jan Lukasi Popi (toki Inli la: Lucas Pope) li toki e ni lon lipu ilo ni (toki Inli la: Return of the Obra Dinn).
  2. 1 2 3 ni li tan lipu ilo ni (toki Inli la: GOTY 2018: #2 Return of the Obra Dinn) lon tenpo 2018-12-20.
  3. 1 2 ni li tan lipu ilo ni (toki Inli la: Papers, Please creator Lucas Pope details his next game) lon tenpo 2017-08-15.
  4. ↑ ni li tan lipu ilo ni (toki Inli la: Lucas Pope on life after Papers, Please) lon tenpo 2017-11-02.
  5. ↑ ni li tan lipu ilo ni (toki Inli la: The 10 Best Video Games of 2018) lon tenpo 2018-12-17.
  6. ↑ ni li tan lipu ilo ni (toki Inli la: Why Return of the Obra Dinn is my game of the year) lon tenpo 2018-12-21.
  7. ↑ ni li tan lipu ilo ni (toki Inli la: The 100 greatest video games of all time, ranked by experts) lon tenpo 2023-05-10.
tan https://tok.wikipedia.org/w/index.php?title=musi_%22kama_sin_pi_ilo_Opa_Pin%22&oldid=52396