jan li ken tawa lon sewi telo kepeken ilo ni. telo nena li tawa e jan pi tawa supa lon sinpin nena.

tenpo sike 2023 (MAMTW) la, jan Sepasijan Sota (toki Tosi la: Sebastian Steudtner) li tawa lon nena telo pi suli nanpa wan.^[1]

ilo supa

ilo supa li ken lili li ken suli. lili la, jan li ken tawa poka kepeken tenpo lili. suli la, jan tawa li ken ni ala. taso suli la, jan li ken tawa noka lon supa. ken pi jan tawa li lili, supa suli li pona.^[2] sewi supa li jo e ko. ko li weka e telo la, noka jan li awen lon supa. anpa supa li jo e lipu lon monsi tan ni: nasin tawa li kama ala nasa. supa li ken jo e linja pi awen noka kin. jan li tawa weka tan supa la, supa li tawa ala pi weka suli.

nasin pi tawa supa

tawa supa sijelo

nasin tawa supa sijelo la, jan li awen lon supa kepeken noka ala li awen lon supa kepeken sijelo. tenpo mute la, jan tawa li jo e len noka lipu lon noka ona la, ona li ken tawa poka pona. tenpo mute la, ilo pi tawa supa sijelo li lili.^[3]

tawa supa pi nasin telo

nasin telo li ken jo e nena telo lili. jan li ken tawa supa lon ona. tawa supa pi nasin telo li open lon nasin telo Asipa (toki Tosi la: Eisbach) lon ma tomo Minsen.^[4]

tawa supa kepeken linja

linja li ken tawa e jan pi tawa supa. pini linja li jo e palisa. jan li awen luka e palisa. linja li ken lon ilo linja sewi li ken lon monsi pi tomo tawa telo. supa tawa ni li jo e ilo pi awen noka.^[5]

tawa supa lon nena pi monsi tomo tawa telo

tomo tawa telo li tawa la, telo li nena lon monsi ona. jan li ken tawa supa lon nena ni kepeken linja ala.^[6]

tawa supa awen

supa ni li suli a. ni la ona li ken awen lon sewi telo li tawa ala insa telo. jan li tawa kepeken ilo palisa. ilo palisa li jo e lipu lon pini anpa ona.^[7]

tan sona

↑ Pilastro, E. (2022, May 25). _Sebastian Steudtner surfs giant wave and smashes world record_. Guinness World Records. https://www.guinnessworldrecords.com/news/2022/5/sebastian-steudtner-surfs-giant-wave-and-smashes-world-record-705874
↑ Pinto, L. M. (n.d.). _The 10 best beginner surfboards for 2025_. Surfertoday. https://www.surfertoday.com/surfing/the-best-surfboards-for-beginners
↑ Pinto, L. M. (n.d.-b). _What is bodyboarding?_. Surfertoday. https://www.surfertoday.com/bodyboarding/what-is-bodyboarding
↑ Pinto, L. M. (n.d.-a). _Eisbach: The mother of all river waves_. Surfertoday. https://www.surfertoday.com/surfing/eisbach-the-mother-of-all-river-waves
↑ _Wakeboarding_. Seen.de. (n.d.). https://www.seen.de/ratgeber/wakeboarding.html
↑ _How to Wakesurf: Step-by-step guide for beginners: Tips & tricks_. WakeMAKERS. (n.d.). https://www.wakemakers.com/blogs/resources/how-to-wakesurf
↑ Dakin, D. (2024, October 15). _How to standup paddleboard_. Paddling Magazine. https://paddlingmag.com/skills/how-to-standup-paddleboard/

[1] Pilastro, E. (2022, May 25). _Sebastian Steudtner surfs giant wave and smashes world record_. Guinness World Records. https://www.guinnessworldrecords.com/news/2022/5/sebastian-steudtner-surfs-giant-wave-and-smashes-world-record-705874

[2] Pinto, L. M. (n.d.). _The 10 best beginner surfboards for 2025_. Surfertoday. https://www.surfertoday.com/surfing/the-best-surfboards-for-beginners

[3] Pinto, L. M. (n.d.-b). _What is bodyboarding?_. Surfertoday. https://www.surfertoday.com/bodyboarding/what-is-bodyboarding

[4] Pinto, L. M. (n.d.-a). _Eisbach: The mother of all river waves_. Surfertoday. https://www.surfertoday.com/surfing/eisbach-the-mother-of-all-river-waves

[5] _Wakeboarding_. Seen.de. (n.d.). https://www.seen.de/ratgeber/wakeboarding.html

[6] _How to Wakesurf: Step-by-step guide for beginners: Tips & tricks_. WakeMAKERS. (n.d.). https://www.wakemakers.com/blogs/resources/how-to-wakesurf

[7] Dakin, D. (2024, October 15). _How to standup paddleboard_. Paddling Magazine. https://paddlingmag.com/skills/how-to-standup-paddleboard/

[1]

[2]

[3]

[4]

[5]

[6]

[7]