suno

nimi ma kepeken sitelen pona

sitelen mun

suno li mun pi suli nanpa wan lon sewi. ona li pana e suno mute tawa ma. kin la, suno li wawa.

suno li linja lili wawa. sama la suno li pana e suno. jan li ken lukin e suno.

ma la, suno li tan suno mi. suno la kasi li ken pali e moku. kin la, jan li ken pali e suno kepeken seli anu wawa.

suno lon sewi

suno li mun suno lon insa pi kulupu suno mi. ona li sike pi kon suno^(?). insa pi wan ijo^(?) li kama wan li pali e wawa mute lon insa suno. mun mute li sike e suno. ni li kulupu suno. ma li mun lon poka nanpa tu wan pi suno. mun en ma la, suno li mama wawa pi suli nanpa wan.

lukin jan lon selo ma la, suno li sike suli lon sewi. selo kon la, suno li ken jelo lukin. tenpo pi open suno pi pini suno la, suno li ken loje lukin. suno li tawa sewi lon open suno li tawa anpa lon pini suno. tenpo suno la, jan li ken lukin e suno. tenpo pimeja la, jan li ken ala lukin e suno. suno li kama li weka la, tenpo suno wan li tawa. tenpo sike li jo e tenpo suno pi mute 365.24.

wawa suno

suno li sama nena lili mute li tawa lon kon ona. nena ni li ken tawa wawa li ken tawa lili lon suli ma. suli pi tawa ni li kule tawa lukin jan. ilo pi kalama weka la jan li kepeken e suno. wawa suno li tawa mute lon tenpo lili. ni la, jan li ken toki kepeken ilo tawa jan lon weka mute.

ilo suno

jan li wile e suno la, jan li kepeken ilo. suno ilo li tan wawa.

kule

suno wan li walo. jan li mute e suno la suno li kama kule ante. ante kule li tan ante suli pi tawa nena.