ilo pi sin ma

ilo pi sin ma (toki Inli la: plough) li ilo pi pali pan li ken kipisi e ko ma li ken pali e lupa linja lon ma. tan tenpo pini la, ilo pi sin ma li suli tawa pali pan li suli tawa jan.

jan ni pi ma Tosi li sin e ma kepeken ilo pi sin ma, ilo ni pi sin ma li jo e sike

ilo pi sin ma lon ma Setapika

ilo pi sin ma tan kiwen kasi

ilo pi sin ma li kwen pana e ko ma anpa tawa ko ma sewi li ken len e kasi e ijo ante kepeken ko ma anpa. ilo pi sin ma li tawa lon ma la ona li pana e lupa linja pi ko ma pona.

tenpo pini la jan li lawa e ilo pi sin ma, taso tenpo monsi la jan li alasa e ni: soweli li ken lawa pona e ilo pi sin ma, ni la soweli li lawa e ilo pi sin ma. tenpo ni la ilo li lawa e ilo pi sin ma kin^[nimi].

tenpo pini

tenpo sike sinpin nanpa mute luka luka luka ale (3500 kepeken nasin nanpa pona) la jan lon ma Masu en ma Penalin li kama kepeken ilo pi sin ma, ona mute li pali e ilo pi sin ma kepeken kiwen kasi sama sitelen Y, li pali e nena wawa lon palisa anpa pi kasi kiwen, li pana e linja sama wan tawa ilo pi sin ma en soweli, soweli li tawa e ilo pi sin ma li ken pali e lupa linja lon ko ma, jan li lawa e ilo pi sin ma.

sitelen ni li pana e sona ni: jan en soweli li lawa e ilo pi sin ma

tenpo ni la ma mute li kepeken ilo pi sin ma.

kipisi

1. palisa
2. ilo awen pi sike tu wan
3. ilo ante pi mute sewi
4. ilo kipisi pi ko ma
5. ilo kipisi
6. ilo tawa pi ko ma
7. supa tawa pi ko ma