ilo pi sewi laso
ilo pi sewi laso anu ilo Puka (toki Inli la: Bluesky) li ilo pi toki lili. ona li sama ilo Tuwita. lon ilo ni la, jan mute li tan ilo Tuwita.[1]
lawa mama pi ilo ni li lawa e jan ale. taso la, jan li ken wawa, li ken lawa kin. jan li ken pali e kulupu toki, e kulupu jan, e kulupu lawa, e kulupu nimi. ilo AI li ike tawa jan la, jan li ken len e toki tan ona. kulupu pi pona tawa jan la, jan li ken kepeken ilo pi poki jan. ni la jan (en jan ante) li ken lukin e toki pi jan mute.
- ↑ https://www.bbc.com/news/articles/c8dm0ljg4y6o.amp (toki Inli)