ilo lukin pi lipu ilo

ilo lukin pi lipu ilo li ilo lon ilo sona. jan li kepeken ona la, jan li ken lukin e lipu ilo.

lipu Wikipesija lon ilo Pajapa pi ilo Linu Tepijan

ilo li wile seme

ona li wile ni:

• ilo li kepeken kulupu linja ale pi ilo sona, li kama jo e lipu.
• ilo li ken lukin e toki ilo HTML.
• ilo li lukin e toki ilo HTML la, ilo li sitelen e sitelen.

ilo lukin pi lipu ilo en ilo alasa pi lipu ilo li ante. taso, jan mute li pilin e ni tan pakala: ona tu li sama. ilo alasa pi lipu ilo li lipu ilo li pana e linja tawa lipu ante li pana e ken ni tawa jan kepeken: ona li ken alasa e wile ona kepeken wile sona pi sitelen toki. taso, mute la jan li kepeken ilo lukin pi lipu ilo tawa ni: ona li kepeken ilo alasa pi lipu ilo. ilo lukin mute li ken ni e jan kepeken: ona li sitelen lon leko alasa la ilo lukin pi lipu ilo li kama jo e sona tan ilo alasa pi lipu ilo tan wile pi jan kepeken.

kulupu pi ilo lukin pi lipu ilo

ilo mute li lon:

• ilo Kulon^(?)
• ilo Sapawi^(?)
• ilo Ese^(?)
• ilo Pajapa^(?)
• ilo alasa pi kulupu Sanson^(?)
• ilo Opawa^(?)
• ilo Pelumun