ilo li lon e sitelen tan ilo
 | lipu ni li pini ala li wile e pali. sina ken pini e ona. |
jan li pali e sitelen lon ilo sona la ona li ken lon e ona kepeken ilo ni. ni la ona li ken lukin e ona li ken ante e ona kepeken ala ilo kepeken ala wawa.
ilo lipu
[o ante | o ante e toki ilo]telo en ko
[o ante | o ante e toki ilo]tomo jan mute en tomo pali mute la ilo ni li lon: ona li lipu e sitelen kepeken telo anu ko. ilo telo li ken sitelen pi pona wawa. ilo ko li ken sitelen pi tenpo lili. ona tu li sitelen lon linja wan li tawa e lipu la ona li ken sitelen lon ale lipu.
ilo li jo e telo kule anu ko kule la ona li ken sitelen kule. mute la kule wile li loje en laso en jelo en pimeja (CMYK). ilo li ken ala wan e kule li ken ala pana lili e kule, taso ona li ken pana e sike lili lili la ona li sama ni tawa lukin: ona li wan e kule.
mute la ilo ni li ken lukin kin e lipu. ona li ken pana e lipu lukin tawa ilo sona li ken tu e ona kepeken ala ilo sona. tenpo la ona li ken pana tawa ilo ante kepeken linja pi ilo toki majuna.
seli
[o ante | o ante e toki ilo]
lipu ni li lon: ona li kama seli la ona li kama pimeja. ilo seli li ken sitelen lon ona kepeken ala telo kepeken ala ko. ilo ni li lon tomo esun mute li sitelen e ni: jan li esun e seme.
ilo sijelo
[o ante | o ante e toki ilo]ilo li ken pali e sijelo kepeken nasin sitelen. suli la nasin tu li lon. nasin wan la ilo li sitelen kepeken telo seli li lete e ona la ona li kama kiwen. ona li pali e supa wan e supa ante e supa ante la supa ale li kama sijelo wan. nasin ante la poki telo li lon. ilo li suno e telo la ona li kama kiwen. sama la ona o pali pi supa mute.