ilo leko en ilo sike
sitelen pi ilo leko en ilo sike li sitelen suli pi kulupu Pimeson. lipu pi nasin sewi en ona li suno suli pi kulupu Pimeson.
tenpo pini
[o ante | o ante e toki ilo]
sitelen ni li pali tan ilo tu pi jan pali tomo. sitelen ni li sitelen pi kulupu pali pi kulupu Pimeson. jan Kilan Api (toki Inli: Hiram Abif) li jan suli pi kulupu Pimeson. kulupu Pimeson li kepeken sitelen ni tan tenpo sike suli 17. Taso tan tenpo sike suli 18 la ona en sitelen ante li kama lon tawa lipu pi kulupu Pimeson.
kepeken pi sitelen
[o ante | o ante e toki ilo]tan kulupu Pimeson li jo ala nasin lawa pi kulupu ale la ona li jo ala e nasin pi ijo. ilo leko li ijo anu sijelo. ilo sike li kon anu toki. ilo seki li pali pi sewi lawa suli.
ilo seki li ken lon monsi ilo leko anu sewi ona anu insa ona. ni li sitelen e nasin insa lon ilo leko en ilo sike tan sama. poki ilo sike li toki e nanpa pali. sitelen G li lon insa ilo leko en ilo sike. taso ni li lon ala ma ale. lon ma Italija la ni li open pi nimi G.A.D.U. (toki Italija: Grande Architetto Dell'Universo, toki pona: jan pali tomo suli pi sewi). lon ma toki Inli la ni li sitelen e nimi God (toki pona: jan sewi). taso sitelen G li sitelen e nimi Geometry (toki pona: sona pi ijo sijelo) kin.
sitelen pi tenpo wawa pi nasin sona
[o ante | o ante e toki ilo]tan "sitelen pi kulupu Pimeson" (toki Italija: Relazione della Compagnia de' Liberi Muratori) pi jan Walelijo Ansijolijeli Asikosi (toki Italija: Valerio Angiolieri Alticozzi) la kiwen leko suli en ilo sike en ilo leko en ilo kipisi kiwen kasi en ilo linja sinpin li lon tomo lili pi jan lawa suli pi kulupu tomo pi ma tomo Pilense. ilo sike en ilo leko en ilo supa jelo kiwen en linja len laso li lon sijelo sinpin pi jan lawa suli kin.
sitelen
[o ante | o ante e toki ilo]
kasi lon tomo ni: ona li lon ma tomo Alesanwija pi ma lili Wisinija li wile awen e sona pi jan So Wasinton e pali ona pi kulupu Pimeson lon jan ale ma.
sitelen ni li lon ma open pi tomo kulupu Patenitate nanpa tu wan lon ma tomo Pelota pi ma Pasiju.
sitelen pi ilo leko en ilo sike li lon kiwen palisa lili.
ijo mani la ilo leko en ilo sike li lon.
.jpg)