ilo Towin
ilo Towin (toki Sonko: 抖音; Dǒuyīn /toʊ jin/, "tawa kalama") anu ilo Sita (toki Inli: TikTok /ˈtɪkˌtɒk/, "mu mu") li lipu ilo pi sitelen tawa tan ma Sonko. mama pi ilo ni li kulupu Patan (ByteDance). sitelen tawa mute li tan ilo Towin. tan ni la, sitelen musi mute li tan ilo Towin.
ilo ni li open lon tenpo sike nanpa 2017. tenpo pini la, nimi li ilo Etami (toki Inli: A.Me, A dot Me). jan 2000000000 li kepeken e ilo Towin. tan tenpo sike nanpa 2017 la, kulupu Patan li esun e ilo Musikali (musical.ly). ilo Towin en ilo Musikali li wan tan ni.
tenpo ni la sijelo tu pi ilo Towin li lon li ilo Sita li ilo Towin. jan li ken lukin e ilo Towin lon ma Sonko, taso jan pi ma Sonko li ken ala lukin e ilo Sita tan lawa linluwi pi ma Sonko. jan pi ma ante li ken lukin e ilo Sita.