ilo Tujolinko
.svg){kind=logo}
ilo Tolinko (toki Inli la: Duolingo) anu ilo Tujolinko li lipu ilo pi ma Mewika lon kulupu pi ilo sona. ona li ken pana e sona pi toki ante tawa sina. tenpo ni la sina ken kama sona e toki mute mute tu wan e kalama musi e sona nanpa kepeken ona. ona li sama musi li wile e pali pi tenpo suno ale tan sina.
ilo pi kama sona toki la jan li kepeken ona la ilo Tujolinko li ilo nanpa wan. jan mute li kepeken ona.
tenpo pini
[o ante | o ante e toki ilo]tenpo sike nanpa 2009 la jan Luwi Pon An en jan Sepelin Laka li kama wile pali e ilo ni: jan li ken kama sona e toki. jan Luwi li kama tan ma Katemala. jan pi kulupu ona li wile kama sona e toki Inli la ona li wile e mani mute. jan Sepelin li wile pana e kama sona pi mani ala tawa jan mute. waso pi ilo Tujolinko li laso tan ni: laso li ike a tawa jan Sepelin.
nasin pi kama sona
[o ante | o ante e toki ilo]ilo Tujolinko li wile sama musi. jan li kepeken ona li ante e nimi tawa toki ante li lukin e toki li utala e jan ante. ken jan la ilo li ante. jan li ken toki mute la ilo li wile e pali mute tan ona. pali pi kama sona li lili. jan li ken sona e ni: mute pi tenpo suno la ona li kepeken ilo Tujolinko.
pilin pi jan ante
[o ante | o ante e toki ilo]pilin pona
[o ante | o ante e toki ilo]tenpo sike nanpa 2017 la kulupu li kama sona e ni: kama sona pi ilo Tujolinko li sama kama sona pi tomo sona. jan lili en jan suli la ni li lon. ken la ilo li pana e kulupu nimi nasa tawa sina. tenpo sike nanpa 2018 la jan pi tomo sona pi ma Pesije li toki e ni: jan li kama sona e toki la kulupu nimi nasa li pona.
pilin ike
[o ante | o ante e toki ilo]jan pi sona toki li pilin e ni: ni li ike: ilo Tujolinko li sama musi. jan ante li pilin e ni: sina open e kama sona pi toki la ilo Tujolinko li pona: taso jan li kama sona e toki la ona li wile toki tawa jan ante. open pi tenpo sike nanpa 2023 la ilo Tujolinko li pini e ni: ona li sin e kama sona ona pi toki Kinla. tenpo kama la ona li ante ala. jan mute la ni li ike tan ni: nasin mute pi kama sona pi toki Kinla li lon ala.
toki pona
[o ante | o ante e toki ilo]tenpo ni la ilo Tujolinko li pana ala e sona pi toki pona. pilin pi jan mute la ni li pona.
jan li wile ala e ni tan ni: kama sona mute pi ilo Tujolinko li kepeken ni: jan li ante e nimi taso e kulupu nimi taso tawa toki ante.[1] taso jan li ante e ijo tan toki ante tawa toki pona la jan li wile pali e nasin sin e ijo sin. kulupu nimi pi toki pona li ken ante tan ni: sona pi jan ale li ante. sina wile toki e ijo kepeken toki pona la nasin ante mute li lon.