ilo Pokalo

ilo Pokalo (toki Nijon la: ボカロ, Bokaro) anu ilo Pokalowito (toki Nijon la: ボーカロイド, Bōkaroido) li ilo pi kalama uta. ona la jan li ken pali e kalama uta kepeken ilo taso kepeken ala uta jan. ilo Pokalo li tan ma Nijon li pona tawa jan mute lon ma ni.

ilo kalama mute li lon tawa ilo Pokalo. ona ale la ilo Asune Miku li suli nanpa wan tawa jan. ilo suli ante li ilo Kakamine Lin li ilo Kakamine Len li ilo Mekuline Luka li ilo Kumi li ilo Kasi.

ilo ante sama li ilo UTAU li ilo SynthV li ilo CeVIO. ilo Pokalo li wile e mani mute a. ilo UTAU li wile e mani ala. ilo SynthV li wile e mani ala tawa ilo pi ken ale ala e mani lili tawa ilo pi ken ale. ilo CeVIO kin li wile e mani lili a. taso ilo Pokalo li suli tawa jan mute la jan li awen esun e ona.

ike la lipu ni li lili. sina wile pona e ona la sina ken suli e ona.