ilo Linu Min
ilo Linu Min (toki Inli la: Linux Mint) li ilo kon lawa. ona li nasin wan pi ilo Upuntu. ilo Upuntu li nasin wan pi ilo Tepijan. ilo Tepijan li nasin wan pi ilo Linu.
jan li kama jo e ilo Linu Min la, ilo Linu Min li pana e ilo lukin pi nasin mute pi sitelen tawa, e ilo mute pi nasin ni: mani ala en len ala.
ilo Linu Min li jo e ilo tu wan ni pi lipu open: ilo Sinamon, en ilo Xfce, en ilo Mate.
jan Keman Lepepu (Clément Lefèbvre) li open e pali pi ilo Linu Min. tenpo ni la, kulupu suli li awen pona e ona.
lipu pi ilo Linu Min li ken kepeken toki mute, taso tenpo ni la ona li kepeken ala toki pona. jan li ken pana e ante toki tawa kulupu.