ilo Koto pi kalama musi

meli li kepeken ilo Koto tawa musi.

ike la lipu ni li lili. sina wile pona e ona la sina ken suli e ona.

ilo Koto (toki Nijon la: 箏 anu 琴) li ilo pi kalama musi tan ma Nijon li ilo kalama lawa pi ma Nijon. ona li kili pi ilo Sen anu ilo Se tan ma Sonko li sama ilo Jata tan ma Monko li sama ilo Kajakun pi ma Anku anu ma Soson li sama ilo Asen pi ma sama li sama ilo Tan Tan pi ma Wije li sama ilo Kasapi pi ma lili Sunta li sama ilo Sesiken pi ma Kasasan. mute la ilo Koto li jo e linja kalama luka luka tu wan. taso kin ona li ken jo e linja luka luka luka tu. mute la linja kalama li luka kepeken len luka lili (爪 (つめ)) tu wan. ni li len e luka tu wan pi insa luka lon luka suli.

nimi en sijelo

sitelen Kansi pi toki Nijon la sitelen pi nimi koto li 箏. taso 琴 li kepeken kin. sitelen ni la ona li ken toki e ilo musi ale pi linja kalama lon toki Nijon. kalama sitelen li sama nimi "kin" pi toki pona la ona li toki e ilo Kusin pi ma Sonko.

nimi koto li kepeken lon lipu Kosiki li toki e ilo pi linja kalama tan tenpo pini.