ilo Kasane Teto
| ilo Kasane Teto
重音テト | |
|---|---|
 | |
| kalama | [kà̠sá̠né̞ té̞tò̞] |
| ma | ma Nijon |
| pali | ilo pi kalama musi |
| kama lon | ma Nijon |
ilo Kasane Teto (toki Nijon la: 重音テト, Kasane Teto) li ilo UTAU pi kalama musi li ilo SynthV pi kalama musi li sitelen jan ona.
ona li kama lon tenpo suno musi lon sike mun nanpa tu tu pi tenpo sike nanpa 2008 tan jan pi ilo 2channel. jan ni li wile musi li toki e ni: ilo Pokalo sin li lon. nimi ona li ilo Kasane Teto. ona li lon ala. taso jan ni li kama pali e ilo Kasane Teto lon ilo UTAU. kalama ona li tan jan Ojamano Majo (toki Nijon la: 小山乃舞世, Oyamano Mayo). open la ona li ken lon toki Nijon taso. tenpo la ilo kin pi toki Inli li kama lon.
ilo Kasane Teto pi ilo UTAU li kama suli tawa jan mute. jan mute li lukin nanpa wan e ona li pilin e ni: ona li ilo Pokalo. taso ona li ilo UTAU la ni kin li pona tawa jan mute. ilo UTAU li wile ala e mani la jan ale a li ken kepeken ilo Teto lon musi ona.
tenpo sike luka luka luka li tawa la jan li pana e ilo Kasane Teto tawa ilo SynthV kin. ilo ni li wile e mani ala tawa ilo pi ken ale ala e mani lili tawa ilo pi ken ale. taso ona li pona wawa lon pana kalama tawa ilo UTAU. kin la ona li ken toki Nijon li ken toki Inli li ken toki Son. jan mute li kama kepeken ilo Teto pi ilo SynthV.
toki Nijon la nimi open pi ilo Kasane Teto li tan sitelen 重 ("suli") lon kalama pi nimi ona 重ねる (kasaneru) li tan sitelen 音 (ne, "kalama"). nimi 音 (ne) ni li alasa sama ilo Pokalo pi kulupu esun Kitan sama ilo Asune Miku sama ilo Kakamine Lin sama ilo Kakamine Len sama ilo Mekuline Luka. nimi pini ona li nimi テト (Teto) li tan nimi pi musi kalama Tetopetenson (toki Nijon la: テトペッテンソン, Tetopettenson). ni li kalama pi ma Nijon li open tan musi kalama "ilo kalama pi pona lukin" (toki Kanse la: Le Beau Tambour).
kalama
[o ante | o ante e toki ilo]ilo Teto li ilo la jan ale li ken kalama musi wile kepeken ona. ona li ken lon nasin mute pi kalama musi.
kalama pi ilo Teto li pona tawa jan mute. ma Nijon la jan mute li kute e kalama mute pi ilo Teto. ona pi ilo SynthV li ken toki Inli pi pona a la ona li kama suli lon ma kin pi toki Inli a.
kalama ni pi ilo Teto li suli nanpa wan:
- kalama "kama nasa" (toki Nijon la: メズマライザー, Mezumaraizā) pi jan Sasuki (toki Nijon la: 32ki, Satsuki) (tan ilo SynthV lon poka pi ilo Asune Miku (toki Nijon la: 初音ミク, Hatsune Miku) tan tenpo sike nanpa 2024)
- kalama Tetolisu (toki Nijon la: テトリス, Tetorisu) pi jan Ilaki Makunetato (toki Nijon la: 柊マグネタイト, Hiiragi Magunetaito) (tan ilo SynthV tan tenpo sike nanpa 2024)
- kalama "ante ilo" (toki Nijon la: オーバーライド, Ōbāraido) pi jan Josita Jase (toki Nijon la: 吉田夜世) (tan ilo SynthV tenpo sike nanpa 2023)
- tan jan Alakusi Sasuke (toki Nijon la: 原口沙輔, Haraguchi Sasuke) la kalama Itomanija (toki Nijon la: 人マニア, "jan ni: "jan" li pona wawa tawa ona", Hito mania) (tan ilo UTAU tan tenpo sike nanpa 2023) en kalama Ikaku (toki Nijon la: イガク, "sona ni anu pali ni: seme la sina ken pona e sijelo jan e lawa jan", Igaku) (tan ilo UTAU tan tenpo sike nanpa 2024)
sitelen
[o ante | o ante e toki ilo]sitelen jan li lon tawa ilo Teto.[1]
jan Teto li tawa musi taso la jan pali li toki e ni: ona li meli ala li mije ala li soweli pi kule mute (toki Nijon la: キメラ, kimera). jan ala li sona e tan ni.
toki pi jan pali la ona li sike e suno lon tenpo mute luka luka wan. taso lukin la ona li suli ni ala. jan li kama toki e ni: ken la ona li "soweli pi tan mute" la ale ala ona li jan. ken la ona li tu la wan taso li jan. ni la sina jan e nanpa ona pi sike suno la ona li lon insa pi sike ona nanpa luka luka luka. ni li poka namako tawa lukin ona. ilo Asune Miku li sike lon tenpo luka luka luka wan la ni li sama pona tawa ona kin.
ona li sewi 159.5 cm (5 ft 3 in) li suli 47 kg (103 lbs). ni kin la ona li sama mute tawa ilo Asune Miku.
linja lawa ona li loje pimeja. kulupu tu linja li tawa lon nasin nasa sama ilo pi tawa anpa.