ilo Sasipisi

sitelen pi ilo Sasipisi

ike la lipu ni li lili. sina wile pona e ona la sina ken suli e ona.

ilo Sasipisi (toki Inli la: ChatGPT) li ilo pi toki sama jan. ilo ni li ken pali e kulupu nimi sin kepeken sona ona. ona li kama lon tenpo mun nanpa 11 pi tenpo sike nanpa 2022. ona li lukin e kulupu nimi tan jan la ona li pilin e ni: kulupu nimi pi seme a o kama? kulupu nimi sin pi seme a li pona tawa kulupu nimi pi jan?

tenpo lili la, jan mute li open kepeken ilo Sasipisi. ona li kama la tenpo mun tu li pini la jan mute mute li open kepeken ilo ni. kin la, jan mute li toki e ni: ilo ni la, ona li ken ante e pali sona anu seme?

ona li sona e ijo mute tan ni: jan li pali e ilo ni la, ona li pana e lipu mute e sona mute tawa ni. kin la, ilo ni o kepeken nasin toki seme la, ona li pana e sona ni tawa ilo ni.

suli la, ona li ken pana e kulupu nimi pi lon ala. tan ni la, ona li pana e kulupu nimi la, jan o wile sona e ni: toki pi ilo ni la, ona li lon ala lon?

tan ijo sama ni la jan mute li toki e pakala pi ilo ni.

toki Inli la, nimi "GPT" li tan kulupu nimi "Generative pre-trained transformer". kon pi nimi "Generative" la, ilo li ken pali e kulupu nimi sin e sitelen sin e kalama sin. kon pi nimi "Pre-trained" la, ilo li kama sona kepeken ijo mute. taso, ilo li awen kama sona ala lon pini pi pali ona. kon pi nimi "Transformer" la, ilo li ken ante e sona ona tawa ijo sin.

tenpo ni la, jan li ken kepeken sona wawa nanpa 5.3 (GPT-5.3). ona li ken lukin e sitelen, li ken kute e kalama.