ijo lon
(tan nimi "ijo wile")
ijo lon anu ijo wile anu ijo pi ken moli li ijo li ken moli. soweli en waso en akesi en kala en pipi en kasi en soko en jan li ijo wile. ijo wile ale li jo e poki sijelo lili. ona li ken jo e poki wan taso sama kon wile lili anu poki mute sama kasi anu soweli. kulupu ale pi ijo wile li ken kama suli li ken mama li ken awen e sijelo ona li ken pali tan ante pi ma poka.
ijo wile mute li lon ma lon tenpo suli. kulupu mute li weka. jan li sona ala e ijo wile pi mun ante.
nasin pi lon ona
[o ante | o ante e toki ilo]jan sona mute la ijo wile ale li jo e nasin ni:
- ken awen e insa
- ken jo e kipisi pona
- ken kepeken wawa
- ken kama suli
- ken ante poka tenpo
- ken pali tan ante poka
- ken mama