ante toki pi ilo sona
ante toki pi ilo sona li ante toki pi nasin ni: jan li pana e lipu tawa ilo sona li jo e lipu ni kepeken toki ante. ilo sona li jo e sona pi ante toki la jan sona li pali ala e ante toki ni.
nasin pi ante toki
[o ante | o ante e toki ilo]tenpo pini la ilo pi ante toki li jo e sona pi lawa toki e lipu pi nimi mute. tenpo ni la ilo sona li kepeken ala e ni li kepeken e kama sona pi ilo sona. ilo li lukin e sitelen mute mute li kama sona e ante toki[1].
ante toki pi ilo sona ken pona li ken ike. tenpo wan la ona li pana pona e sona ale. tenpo ante la ona li pilin ala e sona. toki wan la ilo li lukin e sitelen mute li kama pali pona. toki ante la ilo li jo ala e sitelen mute li kama pali pakala.
ilo pi tenpo ni li ken ante toki e sitelen e kalama uta. jan ken pali e sitelen suno la ilo li lukin e sitelen li ante toki. ilo ante toki pi ilo Kuko li ken pali e ni.
ilo pi ante toki
[o ante | o ante e toki ilo]jan mute li kepeken e ilo ante toki pi ilo Kuko. ilo ni en ilo ante sama li jo e pali wan ni: ante toki.
kin la ilo Sasipisi en ilo ante sama li jo e pali mute li ken pali e ante toki. ante toki ona li jo e ijo pona e ijo ike. ijo pona li ni: ilo Sasipisi li toki mute li jo e pilin toki wawa. ona li ken pana pona e pilin lipu tawa toki ante. ijo ike li ni: nasin pi ilo Sasipisi li open mute la ona li ken sitelen e ijo sin. jan li wile e ante toki li wile ala e ijo sin lon lipu ona.
ilo wan li ken pona tawa toki wan. ilo ante li ken pona tawa toki ante[3].
kepeken
[o ante | o ante e toki ilo]jan li kepeken mute e ante toki pi ilo sona. jan li lon ma ante la ona li ken sona e ijo suli pi toki ante li ken toki tawa jan ante. kin la jan li ken sona e lipu pi toki ante lon kulupu pi ilo sona.
tenpo mute la jan pi lipu Wikipesia li kepeken e ante toki pi ilo sona. ijo pona li ni: lipu Wikipesia pi toki lili li wile e lipu sin e sona sin. ijo ike li ni: ante toki pi ilo sona li ken pakala. jan li wile e ni: ilo pi ante toki li kama pona. tenpo ni la jan li ken pona e ante toki pi ilo sona[4].
tan sona
[o ante | o ante e toki ilo]- ↑ Google Translate Gets a Deep-Learning Upgrade - IEEE Spectrum (lon toki Inli). lukin lipu li lon tenpo 2026-07-27.
- ↑ Becky Sue Parton (2006-01-01). "1". Sign Language Recognition and Translation: A Multidisciplined Approach From the Field of Artificial Intelligence. The Journal of Deaf Studies and Deaf Education. lipu nanpa 94–101. 11. lukin lipu li lon tenpo 2026-07-27.
- ↑ Google Translate vs. ChatGPT: Which One Is the Best Language Translator? (lon en-gb). 2024-02-23. lukin lipu li lon tenpo 2026-07-27.
- ↑ Kyle Wilson (2019-05-08). Wikipedia has a Google Translate problem (lon en-US). lukin lipu li lon tenpo 2026-07-27.