pali nanpa

ike la lipu ni li lili. sina wile pona e ona la sina ken suli e ona.

lipu ni li toki e ijo pi linja kulupu. pali pi nanpa taso la o lukin e lipu "nasin pi pali nanpa".

pali nanpa li tan kulupu $X$ tawa kulupu $Y$ la, ijo ale pi kulupu $X$ li jo e ijo wan pi kulupu $Y$. kulupu $X$ li kulupu open; kulupu $Y$ li kulupu pini.

open la, jan li kepeken pali nanpa tawa sona pi kipisi lili^(?). ijo wan li kama ante lon ijo ante la, ni li pali nanpa. tenpo pini la, jan li toki mute e pali nanpa pi tawa pona^(?). taso, tenpo ni la, jan li pona e nasin ona kepeken sona pi kulupu ijo^(?). ni la, jan li kepeken pali nanpa tawa ijo mute.

jan li kepeken sitelen kalama^(?) tawa nimi pi pali nanpa, sama $f$, anu $g$, anu $h$. ijo $x$ li ijo open li lon kulupu open la, $f\left(x\right)$ li ijo lon kulupu pini li ijo pini tan pali $f$ tan ijo $x$. mute la, jan li lon e pali nanpa kepeken toki nanpa^(?), sama ni: $f\left(x\right)=x^{2}+1$. ni la, jan li pali $f$ la, ona li ante e nimi $x$ tawa nanpa open ona. kepeken pali $f$ sama la:

$f\left(x\right)=x^{2}+1$ la, $f\left(4\right)=4^{2}+1=17$.

pali nanpa li suli tawa nasin sona tawa sona ilo^(?) tawa sona nanpa. jan li toki e ni: pali nanpa li "ijo pi suli nanpa wan tawa wile sona jan" lon kulupu mute pi sona nanpa.