akesi poki pi noka loje

akesi poki Kelonowisi Kaponaliju (Chelonoidis carbonarius) li akesi poki pi noka loje. akesi ni li jo e suli sama jan lili. selo poki li pimeja. jelo en loje li ken lon poki. akesi poki pi noka loje li jo e noka loje e lawa loje. mute la loje ni li jelo kin. akesi poki pi noka loje en akesi poki pi noka jelo li jo e mama sama.^[1]

ona li lon seme?

akesi poki pi noka loje li lon ma mute pi ma Sulamelika. anpa la ona li lon ma Alensina. sewi la ona li lon ma Panama. ona li ken lon ma seli anu ma lete. ona li lon ala kulupu nena Ante. kin la ona li lon ala ma pi kasi mute a.^[2]

moku

akesi ni li moku mute e kasi linja e kili. ante la, akesi li moku e pipi.^[1]

sijelo

sijelo pi akesi poki pi noka loje li suli. tenpo mute la, sijelo ona li jo e suli 30 cm anu 35 cm. suli a la ona li ken suli 94 cm.

akesi poki pi noka loje li jo e lawa loje, e noka loje. kin la, loje li lon poki ona.

tan sona

1 2 https://liputenpo.org/lipu-tenpo-nanpa-soweli/
↑ jan Sapine Pinke en jan Olka Peta en jan Toma Pinke en jan Susane Peta (toki Tosi la: Sabine Vinke, Holger Vetter, Thomas Vinke, Susanne Vetter) li toki e ni lon kipisi #lipu nanpa 27-29 lon ni (978-389973-603-8) lon tenpo sike 2008.

[:0-1] 1 2 https://liputenpo.org/lipu-tenpo-nanpa-soweli/

[2] Sapine Pinke en jan Olka Peta en jan Toma Pinke en jan Susane Peta (toki Tosi la: Sabine Vinke, Holger Vetter, Thomas Vinke, Susanne Vetter) li toki e ni lon kipisi #lipu nanpa 27-29 lon ni (978-389973-603-8) lon tenpo sike 2008.

[1]

[2]