akesi pi monsi kiwen

sitelen pi akesi monsi kiwen

akesi pi monsi kiwen anu akesi poki li akesi. soweli ike li lon la akesi li ken tawa insa pi monsi ona.

nasin

akesi monsi li ken kala

akesi li ken soweli

akesi poki ma en akesi poki telo li lon. ona li lon kulupu pi akesi poki, lon kulupu Tetusinata^(?).

insa

akesi ni li jo e sijelo kiwen walo lon insa poki.

unpa en kama suli

akesi pi monsi kiwen li unpa

tenpo unpa la mije li wile utala e mije ante pi alasa meli kepeken nasin ni: mije li anpa e mije ante li uta e mije ante li utala kepeken monsi kiwen.

tenpo lili la mije li ken kalama.

unpa li pini la meli li ken awen jo e telo mije lon lupa ona.

meli li pana e sike mama la ona li pali e lupa ma. ni li pona tawa akesi lili.

akesi pi monsi kiwen li lili

akesi lili li kama tan sike mama. akesi lili li akesi kala la ona li tawa telo.

akesi suli li olin ala e lili ona tan ni: mama li sona ala e lili.

moku

akesi li lon ma la ona li moku e kasi. akesi li lon telo la ona li moku e kala. taso, akesi li ken moku e ante.

suli tenpo

akesi pi monsi kiwen li ken lon tenpo mute a.

ma lon

akesi poki li lon ma mute.