akesi pi tenpo weka
akesi pi tenpo weka anu akesi ike anu akesi Sinosalija (toki Elena: Dinosauria) li tan tenpo sike weka 243,000,000 (TAMMTWAAA[nnp]). waso li tan akesi ni, taso akesi weka ale ala li waso. kulupu mute pi akesi weka li lon. kiwen majuna pi akesi weka mute li lon ma ale.
kulupu suli tu pi akesi weka li lon: akesi Ornithischia en akesi Saurischia. waso li akesi Saurischia. kiwen suli Chicxulub li moli e akesi weka mute lon tenpo sike weka 66,000,000 (MMMLWAAA[nnp]).
mute lili akesi ni li:
- akesi Silanosalu (toki Lasina sin: Tyrannosaurus)
- akesi Welosilato (toki Lasina sin: Velociraptor)
- akesi Siselato (toki Lasina sin: Triceratops)
- akesi Pinosalu (toki Lasina sin: Spinosaurus)
- akesi Tekosalu (toki Lasina sin: Stegosaurus)
- akesi Pakijosalu (toki Lasina sin: Brachiosaurus)
- akesi Pontosalu (toki Lasina sin: Brontosaurus)
- akesi Ankilosalu (toki Lasina sin: Ankylosaurus)
- akesi Akejoteli (toki Lasina sin: Archaeopteryx)
- akesi Alosalu (toki Lasina sin: Allosaurus)
- akesi Kanotalu (toki Lasina sin: Carnotaurus)
- akesi Sipotoku (toki Lasina sin: Diplodocus)
- akesi Siloposalu (toki Lasina sin: Dilophosaurus)
- akesi Palasalolopu (toki Lasina sin: Parasaurolophus)
- akesi Sinoniku (toki Lasina sin: Deinonychus)
- akesi Ikanoton (toki Lasina sin: Iguanodon)
- akesi Asensinosalu (toki Lasina sin: Argentinosaurus)
- akesi Pakisepalosalu (toki Lasina sin: Pachycephalosaurus)
- akesi Apatosalu (toki Lasina sin: Apatosaurus)
- akesi Kalimimu (toki Lasina sin: Gallimimus)
- akesi Owilato (toki Lasina sin: Oviraptor)