akesi Welosilato
akesi Welosilato (toki Lasina sin la: Velociraptor) li lon kulupu Tomejosalite (Dromaeosauridae) pi akesi pi tenpo weka. ona li lon tenpo sike weka 75,000,000-71,000,000. kulupu ante tu li lon: akesi Welosilato tan ma Monko (Velociraptor mongoliensis) en akesi Welosilato pi jan Omoka (Velociraptor osmolskae).
akesi Welosilato li lili tawa akesi Tomejosalite ante. ona li tawa pi noka tu li jo e noka pi ilo utala. ona li waso li moku e soweli. akesi Welosilato li ante tawa akesi Tomejosalite ante tan nena suli.
kiwen majuna mute pi akesi Welosilato li lon. akesi Welosilato li tan ma Monko li tan ma Sonko.