akesi Silanosalu
(tan nimi "akesi Silanosalo")
akesi Silanosalu (toki Lasina la: Tyrannosaurus) li kulupu pi akesi ike. ona li tan ma Amelika tan tenpo sike weka 68,000,000-66,000,000. ona li suli mute li moku e soweli li tawa pi noka tu. akesi ni li jo e luka lili. uta pi akesi Silanosalu li suli mute li wawa mute.
kiwen majuna mute pi akesi Silanosalu li lon. jan li sona e sona mute pi akesi ni tan kiwen majuna. jan li sona ala e ni: akesi Silanosalu li jo e waso anu seme? akesi Silanosalu li sama tawa kulupu akesi Silanosalite (Tyrannosauridae).
kulupu wan pi akesi Silanosalu li lon: akesi Silanosalu Le (Tyrannosaurus rex). nimi pi akesi Silanosalu Le li tan nimi "akesi ike lawa" tan toki Lasina.