jan Sowan Mantani

jan Sowan Mantani Zohran Mamdani
ma	ma Ukanta ma Mewika
pali	jan lawa pi ma tomo Nujo
kama lon	ma tomo Kanpala lon ma Ukanta
jan olin	jan Wama Tuwasi
mama	jan Mamu Mantani • jan Mila Naja
sitelen nimi

jan Sowan Kame Mantani (toki Inli la: Zohran Kwame Mamdani /zəˈ(h)rɑːn ˈkwɑːmeɪ məmˈdɑːni/) li jan lawa pi ma tomo Nujo. ona li jan pi kulupu Temokasi li jan pi nasin pi sama mani (nasin Sosalisin). ma Nujo la, ona li jan lawa nanpa wan tan jan pi ma Asija anpa li jan lawa nanpa wan pi nasin sewi Isilan.

tenpo pini la, ona li jan pi sona tomo li jan pi kalama musi. tenpo kama tan ni la, ona li kama jan pi sona lawa. tan ni, ona li open pali lon lawa pi ma tomo Nujo. sike 2020 la, ona li kama jan lawa lon kulupu lawa pi ma Nujo.

sike 2024 la, ona li kama wile pi jan lawa pi ma tomo Nujo. ona li kama wile pi kulupu Temokasi lon mun 6 pi sike 2024 li anpa e jan Antu Komo.

tenpo pini

ona li kama lon lon tenpo suno 18 pi mun 10 pi sike 1991 lon ma tomo Kanpala lon ma Ukanta. mama ona li jan sona Mamu Mantani li jan musi Mila Naja. kulupu sama pi mama tu ona li kama tan ma Palata.

tenpo sike tu wan la, ona li lon ma tomo Kape lon ma Setapika.

tenpo sike tu tu li tawa la, kulupu sama ona li tawa ma Mewika.

sike 2010 la, ona li pini e sona ona. tenpo tawa la, ona li tawa tomo pi sona suli Potowin lon ma Men. tomo pi sona suli la, ona li utala tawa pona pi jan Pilisin. ona li pali nimi tawa lipu sin pi tomo sona ona. sike 2014 la, ona li pini e sona ona.