nasin nanpa sitelen Jusisa

nasin Jusisa (toki Inli: Under-ConScript Unicode Registry, UCSUR /ˈjusisər/)^[1] li nasin namako pi nasin Juniko. ona li nasin sin pi nasin Sisa (toki Inli: ConScript Unicode Registry, CSUR).

nasin Juniko la, sitelen wan li jo e nanpa wan. taso, nanpa ni li lon: kulupu Juniko li pana ala e sitelen tawa ona, tan ni: jan ante li ken pana e sitelen ante tawa ona. nanpa ni li kulupu nanpa PUA (toki Inli: Private Use Area, "jan li kepeken ni la jan lawa li lawa ala e nasin ona"). jan Son Kowan (John Cowan) en jan Mako Eweson (Michael Everson) li pana e sitelen mute tawa kulupu nanpa PUA, li nasin e ona. nasin ona li nasin Sisa.^[2]

nasin Sisa la, nasin sitelen sin pali mute li lon.

jan tu ni li pini nasin e sitelen lon tenpo sike nanpa 2008 (MALTW^[nnp]) tan ni: pali suli ante li lon la tenpo li lili.^[3] jan Wepeka Kapijela Petenko (toki Inli: Rebecca Gabriella Bettencourt, toki pona: jan Lepeka) li suli e nasin Sisa li pali e nasin Jusisa.

nasin Jusisa li kama jo e nasin sitelen ante mute. wan la, sitelen pona. kepeken nasin Jusisa la, jan li ken kepeken sitelen pona lon ilo nanpa.

nasin sitelen ilo lili li ken pana e lukin pi nasin Jusisa. nasin Fairfax en nasin Nisiki Teki (toki Nipon: にしき的) li tu ona.

nanpa

nasin Jusisa li kepeken nanpa ni: ona li open lon nanpa E000 li pini lon nanpa F1C3F.^[2]^[4]^[5]

sitelen pona li lon nasin Jusisa. ona li open lon nanpa F1900 li pini lon nanpa F19FF. kipisi lili pi sitelen pona (toki Inli: "Sitelen Pona Radicals") kin li lon, li open lon nanpa F1C80 li pini lon nanpa F1C9F.

tan sona

↑ lipu ilo pi kulupu KreativeKorp (lon toki Inli). 8 November 2023.
1 2 jan Son Kowan en jan Mako Eweson (toki Inli: John Cowan, Michael Everson) (2023-04-27). lipu "ConScript Unicode Registry" (lon toki Inli). lipu Evertype.
↑ jan Son Kowan (toki Inli: John Cowan) (2008-02-04). lipu "Re: CSUR help" (lon toki Inli). lipu KreativeKorp.
↑ jan Mako Eweson (toki Inli: Michael Everson) (2008-03-21). lipu "Roadmap to the ConScript Unicode Registry" (lon toki Inli). lipu Evertype.
↑ jan Wepeka Petenko (toki Inli: Rebecca Bettencourt). lipu "Under-ConScript Unicode Registry" (lon toki Inli). lipu KreativeKorp.

[1] lipu ilo pi kulupu KreativeKorp (lon toki Inli). 8 November 2023.

[:0-2] 1 2 jan Son Kowan en jan Mako Eweson (toki Inli: John Cowan, Michael Everson) (2023-04-27). lipu "ConScript Unicode Registry" (lon toki Inli). lipu Evertype.

[3] Son Kowan (toki Inli: John Cowan) (2008-02-04). lipu "Re: CSUR help" (lon toki Inli). lipu KreativeKorp.

[4] Mako Eweson (toki Inli: Michael Everson) (2008-03-21). lipu "Roadmap to the ConScript Unicode Registry" (lon toki Inli). lipu Evertype.

[5] Wepeka Petenko (toki Inli: Rebecca Bettencourt). lipu "Under-ConScript Unicode Registry" (lon toki Inli). lipu KreativeKorp.

[1]

[2]

[3]

[4]

[5]