musi Supalimina

sitelen nimi

musi Supalimina (Superliminal) li musi ilo. kulupu Pillow Castle Games li pali e ona, li pana e ona lon tenpo sike nanpa 2019. musi ni la, jan li tawa lon tomo mute kepeken nasin nasa, li wile kama sona e nasin nasa kepeken ken sona ona. suli la, ijo li nasa lukin lon musi ni.

jan li ken musi ni lon ilo Makinto, lon ilo Winto, lon ilo Linu, lon ilo Nintento Suwi, lon ilo Puleseson nanpa 4, lon ilo Puleseson nanpa 5, lon ilo Ekesepo Wan, lon ilo Ekesepo Siwi, lon ilo Antowi, lon ilo Ajowesi.

jan pali li toki e ni: ona pali e musi Supalimina la ona li wile e ni: ona li pona sama musi Pota sama musi Entasenpa.

jan pali

• jan Ape Si (Albert Shih) li nasin e kulupu;
• jan Kitopa Poli (Christopher Floyd) li nasin e pali;
• jan Lokan Pi (Logan Fieth) li pali e sitelen;
• jan Pi Posiwa (Phil Fortier) li pali e toki ilo;
• jan Wiloni (Will O'Neill) li pali e toki;
• jan Ma Kitensen (Matt Christensen) li pali e kalama musi;
• jan Ma Kawa (Max Howarth) la kalama uta pi jan sona Len Pisa (Dr. Glenn Pierce).

kon nimi

nimi Superliminal li jo e kon tu.

wan la, nimi "super-liminal" li pana e sona ni: jan li ken sona e ijo, taso ijo ni li suli tawa ken sona ona, la jan li ken ala sona e ale pi ijo ni.

ante la, nimi "super liminal" li pana e sona ni: ijo ni li nasa mute tawa lukin, li nasa e pilin jan, li ken pana e pilin monsuta.

nasin musi

jan li musi ni la ona li lukin sama ni: oko ona li oko pi jan pi lon musi.

musi ni li kepeken nasin pi oko jan. ijo tu li suli sama la, ijo li lon poka la ona li suli lukin, ijo li weka la ona li lili lukin.

jan li ken tawa e ijo. ijo li awen suli sama tawa lukin, taso ona li tawa poka li tawa weka, la ona li kama lili li kama suli.

toki

jan li pilin ike. ona li lukin e ni lon ilo pi sitelen tawa: jan sona Len Pisa li pona e pilin jan kepeken lukin lape. jan li alasa kama pilin pona. taso, lukin lape li kama nasa, la jan li ken ala pini lape. jan sona Len Pisa en ilo pi nasin pona lape li alasa pona e jan.