MBTI

ilo MBTI la jan ale li pana e pilin ante. ona li kipisi e jan tan kon ona. ni la jan Katalin Kuku Pili^(?) en jan lili ona li pali e ilo ni. ilo MBTI la jan luka luka luka wan li lon. ilo MBTI la jan ale li jo e kon ni:

jan li wile toki tawa jan ante la nimi ona pi ilo MBTI li open kepeken "E". (toki Inli la ni li tan Extroverted.)

jan li wile ala toki tawa jan ante lon tenpo mute la nimi ona pi ilo MBTI li open kepeken "I". (toki Inli la ni li tan Introverted)

jan li pilin pona tawa sijelo la nimi "S" li lon nimi ona pi ilo MBTI. (toki Inli la ni li tan Sensing.)

jan li pilin kepeken sijelo ala la, jan li kepeken nasin nasa pona tawa ijo la, jan li pilin poka ala tawa sijelo la nimi "N" li lon nimi ona pi ilo MBTI. (toki Inli la ni li tan iNtuitive. ona li nimi "I" ala tan ni: mi kepeken nimi "I" tawa Introverted.)

jan li anu kepeken pilin ona la, jan li jan pilin la, jan li pilin pona tawa pilin ona la nimi "F" li lon ona pi ilo MBTI. (toki Inli la ni li tan Feeling.)

taso jan li wile e "nanpa" la, jan ni li anu kepeken lawa ona la nimi "T" li lon ona pi ilo MBTI. (toki Inli la ni li tan Thinking.)

pini la:

jan li nasa la, ona li pilin nasa la, ona li pilin ike tawa lipu pali suno la, ona li wile ala e "pali" la nimi "P" li lon nimi ona pi ilo MBTI. (toki Inli la ni li tan Perceiving)

taso jan li pilin pona tawa pali la, ona li wile e nasa ala la nimi "J" li lon nimi ona pi ilo MBTI. (toki Inli la ni li tan Judging)

ni la, jan luka luka luka wan li lon. ona mute li ni:

INFP INFJ ENFP ENFJ INTP ENTP INTJ ENTJ ISFP ESFP ISTP ESTP ISTJ ESTJ ISFJ ESFJ