toki Losupan
| toki Losupan
la .lojban. | |
|---|---|
 | |
| kalama | [laʔˈloʒbanʔ] |
| kulupu toki | toki sin |
| toki pi tenpo pini | toki Lokulan |
| nasin sitelen | sitelen Lasina |
| nanpa toki | |
| ISO 639-2 | jbo |
| ISO 639-3 | jbo |
| Glottolog | lojb1234 |
toki Losupan (toki Losupan la: la .lojban.) anu toki Popasu (toki Popasu la: jbobau) li toki sin pali pi nasin sona pi lon ijo. jan li pali e ona tan ni: pali ken Sapi-Wa la, jan li toki kepeken toki pi nasin sona la, lawa ona li kepeken nasin sona kin.
toki Losupan la, toki ale li jo e kon wan taso. toki ante la, toki li ken jo e kon tu: mi pana e tomo tawa sina la, ona li ken tomo tawa, li ken tomo taso.
ona li sama toki pona la, toki ni li jo e nimi pi mute lili (lon poka pi mute 1400). ona li ken wan e nimi mute tawa nimi sin.
nimi
[o ante | o ante e toki ilo]nimi Lojban li kama tan nimi logji (nasin sona pi lon ijo), tan nimi bangu (toki).
nimi Jbobau li tan nimi lojbo (nasin Losupan), tan nimi bangu (toki).
kama
[o ante | o ante e toki ilo]tenpo sike nanpa 1955, toki Lokulan (Loglan) li lon. jan li wile ante e ijo ona. taso jan lawa ona li wile ala e ni, li kepeken lawa pi ijo sona tawa ni. ni la, kulupu jan li ante e nimi ale pi toki Lokulan, li pali e toki Losupan e kulupu pi toki sona (toki Inli la: Logical Language Group) lon tenpo sike nanpa 1987.
kalama en sitelen
[o ante | o ante e toki ilo]toki Popasu li jo e kalama ni pi uta pini:
| lupa sinpin uta | nena lon monsi pi nena uta kiwen | meso uta | sinpin pi lupa monsi uta | lupa monsi uta | ||
|---|---|---|---|---|---|---|
| tenpo wan wawa | kon taso | p | t | k | ʔ | |
| kon en kalama lupa | b | d | ɡ | |||
| kon wawa | kon taso | f | s | ʃ | x | h |
| kon en kalama lupa | v | z | ʒ | |||
| nena sinpin | m | n | ||||
| tenpo mute | r | |||||
| lon poka | l | |||||
toki Popasu li jo e kalama ni pi uta open:
| sinpin | meso | monsi | |
|---|---|---|---|
| sewi | i | u | |
| meso | ɛ | ə | ɔ |
| anpa | a | ||
nasin ni la jan li sitelen e toki Losupan kepeken sitelen Lasina:
| kalama | /a/ | /b/ | /ʃ/ | /d/ | /ɛ/ | /f/ | /ɡ/ | /i/ | /ʒ/ | /k/ | /l/ | /m/ | /n/ | /ɔ/ | /p/ | /r/ | /s/ | /t/ | /u/ | /v/ | /x/ | /ə/ | /z/ | /h/ | /ʔ/ |
|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|
| sitelen | a | b | c | d | e | f | g | i | j | k | l | m | n | o | p | r | s | t | u | v | x | y | z | ' | . |
ijo pi pana sona
[o ante | o ante e toki ilo]| toki Losupan la | toki pona la |
|---|---|
| coi | toki! |
| xu do se tokpona? | sina ken ala ken toki e toki pona? |
| mi na jimpe | mi sona ala |
| ma jdima | mani seme? |
