toki Seki
(tan nimi "ISO 639:cs")
toki Seki li kama tan ma Seki. jan Seki li pana e nimi čeština tawa toki ni. toki Seki li toki lawa pi ma Seki li toki lili lon ma Elopa.
toki Seki li lon kulupu toki seme?
[o ante | o ante e toki ilo]toki Seki li lon kulupu toki Insi-Elopa. toki Lowensina en toki Posuka en toki Losi en toki ante mute li sama toki Seki.
nasin sitelen
[o ante | o ante e toki ilo]jan li sitelen e toki Seki kepeken nasin sitelen Lasina. toki Seki en toki sama mute li kepeken e nasin sitelen ni.
toki Seki en toki pona
[o ante | o ante e toki ilo]nimi mute pi toki pona li sama nimi pi toki Seki:
- lawa (hlava)
- len (len)
- lete (led)
- linja (linka, linie)
- luka (ruka)
- lupa (lupa)
- mi (my, mi)
- noka (noha)
- oko (oko)
- ona (ona)
- pakala (pokazit, zpackat, pako)
- palisa (palica, palec)
- poka (bok)
- sama (samá)
- sijelo (tělo)
- tomo (dům)
- uta (ústa)
- utala (úder)
- wile (vůle)
nimi mute ni li sama tan ni: jan Sonja li pali e nimi pi toki pona kepeken toki Lowasi. toki Lowasi li sama toki Seki.
sina wile la sina ken lukin e nimi ale pi toki pona lon toki Seki.
jan pi toki pona li kepeken e toki Seki.
[o ante | o ante e toki ilo]tenpo ni la jan tu pi toki Seki li toki e toki pona. jan ni li jan Male en jan Toma.
toki pi toki Seki
[o ante | o ante e toki ilo]- toki!: ahoj!
- mi tawa en tawa pona: nashledanou
- mi wile e ___: chci ___
- mute seme?: kolik?
- mi pakala: sakra!
- mi sona ala: nevím
- tomo telo li lon seme?: kde je záchod?
- sina sona ala sona e toki pona?: znáš tokiponu?