ma Okajoma

ma Okajoma Oklahoma
ma kipisi
len ma	sitelen lawa
ma tomo lawa	ma tomo Okajoma
ma tomo pi mute jan nanpa wan	ma tomo Okajoma
ma suli	ma Mewika
toki lawa	toki Inli
nimi pi jan ma	Oklahoman; Okie (li nimi ike lon tenpo pini); Sooner (li tan tenpo pini)
ISO 3166	US-OK

ma Okajoma (kalama pi toki pona la /ˈokajoma/ [en]; toki Inli la Oklahoma, kalama la /ˌoʊkləˈhoʊmə/; toki Sata [en] la Oklahumma, kalama li [oklahómma]; toki Talaki [en]: ᎣᎧᎳᎰᎹ anu Okalahoma, kalama li [ògàlàhǒːmã́]) li ma kipisi pi ma meso anpa [en] pi ma Mewika. ma li lon ala poka pi telo suli li lon poka pi ma lili luka wan ante ni: ma Tesa lon ma anpa, lon ma weka suno en ma Kansa lon ma sewi en ma Misuwi lon ma sewi pi ma kama suno en ma Akanso lon ma kama suno en ma Numesiko lon ma weka suno en ma Kolowato lon ma weka suno pi ma sewi. ma Mewika la ma kama suno li lon. ma anpa pi ma kama suno li lon. ma sewi pi ma anpa pi ma kama suno [en] li lon. toki Inli la ni li nimi Upland South. ma Okajoma li lon ma weka suno pi ma ni. mute suli pi ma lili pi ma Mewika la ma Okajoma li nanpa mute. mute jan la mute luka tu wan. toki Inli la jan Okajoma li nimi Oklahoman. nimi pi ma Okajoma li tan toki Sata li tan nimi okla, tan nimi humma. kon pi nimi tu li "jan loje". toki Inli la jan li toki tawa jan pona la ona li ken kepeken nimi The Sooner State. nimi li tan kulupu Suna. kulupu li ni: jan mute li tawa ma Okajoma lon tenpo kama pi tenpo ken li kama jo kepeken ala wile e ma pi jan. jan ni li tenpo nanpa wan pi ma Mewika. taso la sike nanpa 1889 la kulupu lawa Mewika li toki e ni: tenpo ni la jan ale li ken lon ma Okajoma. ni la ma li weka tan jan mute pi tenpo nanpa wan li tawa jo pi jan mute pi kulupu mama tan ma Elopa. ijo ni li nimi pana ma wile ala pi sike nanpa 1889 li nimi tawa wawa ma Okajoma pi sike nanpa 1889. toki Inli la tu ni li Indian Appropriations Act of 1889 li Land Rush of 1889.

ma Okajoma la kulupu nena pi tenpo weka en ma pi kasi anpa en nena ma supa en kulupu kasi suli pi ma pi kama suno pi ma Mewika li lon. suli la ma li lon ma suli supa pi kasi anpa pi ma Mewika li lon ma supa pi insa pi ma Tesa Okajoma Kansa li lon kulupu nena Misuwi Akanso Okajoma Kansa. ma pi nasin ale ni la kon wawa li ken. jan ma la nasin kulupu suli tu wan li lon ma Okajoma. pini weka la lawa Mewika li tawa jan ma Mewika tawa ma Okajoma. jan ma li tan poka ante (kama suno) pi telo linja Misisipi. tenpo ona la lawa Okajoma li lon ala la lawa Mewika taso li lawa. ni la ona li ma lili pi lawa pi ma ante. jan pi ma Tesa anu sama li tawa e soweli pi telo walo tawa sewi pi sitelen ma la nasin ona li lon ma Okajoma. jan ante li tawa anpa pi sitelen ma la ona li kama tomo lon ma Okajoma. tenpo ni la toki ma MLTT li awen lon lon ma Okajoma. sike nanpa MAM la jan WAMMT pi jan LLA li jan ma pi telo loje ona. mute ni li suli tawa ma ante ale Mewika.

ma Okajoma li pali mute e telo ko pimeja ilo e kon wawa pi ken seli e ilo pi pali moku kasi. nasin mani Okajoma la tomo waso en wawa ilo en ilo toki pi ma tu ante weka en ilo pi ijo lon li suli. suli la nasin mani li kama tan ma Okajomasisi tan ma Tosa. jan tu pi jan tu wan li tomo lon ma tu ni.

tan nimi

nimi Okajoma li tan nimi tu pi toki Sata: nimi okla en nimi humma. kon li sama "jan pi selo loje" anu "jan loje". jan Alen Waje li jan lawa pi kulupu Sata li toki e ma Okajoma pi tenpo ona tawa lawa Mewika. ni la ona li toki e nimi ni lon sike nanpa LLLTWAMMMLW. wile ona la ma Okajoma li ma pi jan ma taso li lon ala lawa Mewika li lon lawa pi kulupu pi jan ma Mewika. ni la jan mute li open kepeken nimi Okajoma lon ni, taso sike nanpa LLLTWAMMMMLL la lawa li open kepeken. ni li lon sike tu pi tenpo pini tawa open kepeken lawa. ma Mewika