ma Epanja

ma Epanja
España
ma Epanja España
len ma	sitelen lawa
kalama musi ma
	Marcha Real (kalama musi pi jan lawa) ;
	ma Epanja (laso pimeja) lon kulupu ma Elopa (laso walo)
ma tomo lawa	ma tomo Masi
toki lawa	toki Katejano
toki ante	toki Katala; toki Kaleko; toki Atulejone; toki Ekala; toki Alane
nasin lawa	nasin pi jan ale
jan lawa	jan lawa Pelipe nanpa luka wan; jan Peto Sanse
mani	mani Elopa (€)
ISO 3166	ES

ma Epanja (toki Epanja la: España) li ma lon ma Elopa li lon kulupu ma Elopa. ona li lon poka pi ma Potuke li lon poka pi ma Kanse li lon poka pi ma Antola. poka wan la telo Alansi li lon. poka ante la telo Mesitelanejo li lon. suli la ma suli Apika li lon poka ante pi ma Mesitelanejo tan ma Epanja. mute suli pi ma Epanja li lon ma Ipelija. taso ma Epanja li lawa e ma weka ante. ma Epanja li lawa e ma lili mute (toki Epanja la: comunidades autónomas, "kulupu pi lawa sama"). ma lili lawa li ma Masi la ma tomo lawa Masi li lon.

tenpo pini

tenpo majuna

kulupu nanpa wan li kulupu Ipelo (Íberos). tenpo pini mute mute la ona li kama lon ma ni tan ma Apika. ona li awen lon tan seli pi ma Epanja lon ma suli pi ma ni. tenpo pini mute mute la kulupu ante li kin lon ma Epanja. nimi ona li kulupu Esuka. toki Esuka li toki Palato-elopa ala.

kulupu Penikijo (Fenicios) li kama tan seli li lone ma tomo Kasi (toki Katejano la: Cádiz).

tenpo suno kama mute mute la kulupu Loma li kama lon ma Ipanija (toki Lasina la: Hispania). ona li pana kin e toki Lasina tawa ma Epanja e nasin kulupu ona.

tenpo moli pi ma Loma la kulupu Keman li kama la ona li awen lon ni li open e kulupu sin: ma Pisikoto (toki Epanja la: Visigodos).

tenpo meso

kulupu Alapi li utala e ma Pisikoto li lawa e ma Epanja. ma tomo lawa ona li ma tomo Toleto (toki Katejano la: Toledo) li ma tomo Kotopa (Córdoba).

tenpo sike nanpa 718 la kulupu pi ma Atulija li utala e kulupu Alapi, jan sona li nimi e ni: utala suli sin (toki Epanja la: Reconquista). ona li kulupu pi nasin sewi Katolika. tenpo suno kama mute mute la ona li lawa e ma ni: ona li jo e ma lawa tu wan: ma Alakon (toki Katejano la: Aragón) e ma Napala (Navarra) e ma Kasija (Castilla).

jan lawa pi ma Alakon en jan lawa pi ma Kasija li kama wan. ma Epanja li kama.

tenpo sin

tenpo sike nanpa 1492 la jan Kitopa Kolon li kama sona e ma Amelika. tan ni la, ma Epanja li kama jo e ma mute pi ma Amelika li kama jo e mani mute tan ma Amelika e kiwen mani.

jan lawa Isapela nanpa wan (toki Epanja la: Isabel I) li moli la jan Wana 'nasa' (toki Epanja la: Juana 'la Loca') li kama jan lawa. tenpo sike nanpa 1496 la kulupu mama Tatamala (toki Epanja la: Dinastía Trastámara) en kulupu mama Kapuko (toki Tosi la: Haus Habsburg) li kama wan. tan ni la, jan Kalo li kama. tenpo sike nanpa 1518 la jan lawa Kalo nanpa luka pi ma Tosi (toki Tosi la: Kalo V. von Deutschland) li kama jan lawa pi ma Epanja.

kulupu pi jan suli pi ma Epanja li pilin ike tan jan Kalo nanpa wan tan ni: ona li weka, li tan ma ante, li lawa lili. tan ni la, jan suli pi ma Epanja li open e utala, nimi ona li utala kulupu pi ma Kasija (toki Epanja la: Guerra de las comunidades de Castilla).

toki

toki lawa pi ma Epanja li toki Epanja. sama la toki Katala en toki Kaleko en toki Ekala en toki Alane li toki lawa lon ma lili pi ma Epanja. toki Alakon en toki Asitulija li suli kin.

ma

insa pi ma Epanja li ma supa suli La Meseta.

ma kipisi

ma Epanja la, nasin kipisi pi suli nanpa wan li ma "Comunidades Autónomoas" (toki pona la, ni li sama "ante pi ma kipisi" li jo e mute 19.

nasin kipisi pi suli nanpa tu la, ma kipisi li lon ante pi ma kipisi. ale la, ma kipisi 52 li lon. kin, lon ma ni la, ma tomo 8136 li lon (ni li ala lon poki sona ni):

ante pi ma kipisi	ma kipisi	ma tomo lawa pi ma kipisi
ma Antalusija (ma kipisi 8)	ma Amelija	ma tomo Amelija
	ma Kasi	ma tomo Kasi
	ma Kotopa	ma tomo Kotopa
	ma Lanata	ma tomo Lanata
	ma Uwela	ma tomo Uwela
	ma Kajen	ma tomo Kajen
	ma Malaka	ma tomo Malaka
	ma Sewija	ma tomo Sewija
ma Alakon (ma kipisi 3)	ma Uwesa	ma tomo Uwesa
	ma Teluwe	ma tomo Teluwe
	ma Salakosa	ma tomo Salakosa
ma Atulija (ma kipisi 1)		ma tomo Opijeto
ma Isala Palewale (ma kipisi 1)		ma tomo Palama
ma Esuka (ma kipisi 3)	ma Alapa	ma tomo Pitolija-Katesi
	ma Pisekaja	ma tomo Pilapo
	ma Kipukowa	ma tomo Tonosija
ma Isala Kanalija (ma kipisi 2)	ma Lapalama	ma tomo Lapalama
ma Isala Kanalija (ma kipisi 2)	ma Santaku pi Tenelipe	ma tomo Santaku pi Tenelipe
ma Kantapija (ma kipisi 1)		ma tomo Santante
ma Kasila-Lejon (ma kipisi 9)	ma Apila	ma tomo Apila
	ma Puko	ma tomo Puko
	ma Lejon	ma tomo Lejon
	ma Palensija	ma tomo Palensija
	ma Salamanka	ma tomo Salamanka
	ma Sekopija	ma tomo Sekopija
	ma Solija	ma tomo Solija
	ma Pajatoli	ma tomo Pajatoli
	ma Samola	ma tomo Samola
ma Kasila-Lamansa (ma kipisi 5)	ma Lapase	ma tomo Lapase
	ma Sijuta Leja	ma tomo Sijuta Leja
	ma Kuwenka	ma tomo Kuwenka
	ma Kuwatalakala	ma tomo Kuwatalakala
	ma Toleto	ma tomo Toleto
ma Katala (ma kipisi 4)	ma Paselona	ma tomo Paselona
	ma Kilona	ma tomo Kilona
	ma Jelita	ma tomo Jelita
	ma Talakona	ma tomo Talakona
ma Ekematula (ma kipisi 2)	ma Patako	ma tomo Patako
ma Ekematula (ma kipisi 2)	ma Katele	ma tomo Katele
ma Kalisija (ma kipisi 4)	ma Akolunja	ma tomo Akolunja
	ma Luko	ma tomo Luko
	ma Olense	ma tomo Olense
	ma Pontepeta	ma tomo Pontepeta
ma La Lijoka (ma kipisi 1)		ma tomo Lokonjo
ma Masi (ma kipisi 1)		ma tomo Masi
ma Musija (ma kipisi 1)		ma tomo Musija
ma Nawala (ma kipisi 1)		ma tomo Ilunja
ma Komunita Walensija (ma kipisi 3)	ma Alikante	ma tomo Alikante
	ma Kasejon	ma tomo Kasejon pi Lapana
	ma Walensija	ma tomo Walensija