ma Masu

ma Masu مِصر
len ma	sitelen lawa
kalama musi ma
ملي سرود (ma mi, en ma mi, en ma mi)
ma Masu lon sike ma (laso)
ma tomo lawa	ma tomo Kajila
toki lawa	toki Alapi
mani	mani Sunaji Masu (E£) (EGP)
ISO 3166	EG

ma Masu (toki Alapi la: مِصر, maṣr /masˤr/) li ma lon ma Apika li lon ma Asija. ma Sawina taso li lon ma Asija. ma Sawina pi ma Asija la, ma Isale en ma Pilisin li lon poka ma ni. ma Sutan li lon poka la, nasin telo Nile li tawa tan ma Sutan tawa telo suli Mesitelane. open suno la, telo suli loje li lon. pini suno la, ma Lipija li lon.

nasin telo Nile en ma Sawala li sijelo e ma Masu. mute jan li lon ma lili lon poka pi nasin telo Nile. mute ma pi ma Masu li ma pi telo ala la, jan li ken ala lon ma ni. nasin telo Nile li pana e telo mute la, jan li open pali e kasi lon tenpo pini mute.

toki pi tenpo pini pi ma Masu li suli mute. sitelen toki pi ma Kuma li kama lon tenpo sike 3200 BC. kulupu mama lawa mute li lawa e ma Kuma. lon poka pi tenpo sike 3150 pi jan Jesu la, ma Kuma sewi en ma Kuma anpa li kama lawa wan. tenpo kama la, kulupu ante li lawa e ma Kuma. ni li ma Pasi pi kulupu Akamanesi, li ma Masu pi Tolemeke, nimi "ma Ekito", li ma Loma. nasin sewi Kolisu li kama suli mute lon ma Masu pi ma Pasileja Loma. tenpo sike 642 la, nasin sewi Isilan li kama tawa ma Masu. tenpo lon la, nasin sewi pi mute jan lon ma Masu li nasin sewi Isilan. tenpo sike 1517 la, ma Osuman li kama lawa ma Masu. linja telo Suwesi li kama pali la, ma pi ma Elopa li kama suli. ma Masu li kama lon ma Piten suli. tenpo sike 1952 la, kulupu utala pi ma Masu li weka e jan lawa mama.

tenpo lon la, ma Masu li suli mute lon kulupu ma Alapi. mute jan la, ma Masu li nanpa wan lon kulupu ma Alapi.

tenpo pini

tenpo open pi ma Masu

leko pi ma tomo Kise

tenpo pini la, ma Sawala li jo e kasi. jan li lon ma ni. taso, kon li ante la, jan ni li tawa lon poka pi nasin telo Nile.

tenpo pini la, nimi pi ma Masu li ma Kuma.

ma Kuma sewi en ma Kuma anpa li kama wan la, ma lawa majuna pi ma Kuma li kama. jan lawa nanpa wan pi ma Kuma li jan Narmer anu jan Menes.

kulupu jan

musi

ma Asija

ma Aja · ma Akan · ma Anku · ma Asepajan · ma Ilaka · ma Ilan · ma Imala · ma Intonesija · ma Isale · ma Jaman · ma Kanpusi · ma Kasa · ma Kata · ma Katelo · ma Kilisa · ma Kiposi · ma Kuwe · ma Lajo · ma Lanka · ma Lusi · ma Lunpan · ma Malasija · ma Masu · ma Mijama · ma Monko · ma Nepa · ma Nijon · ma Opeki · ma Pakisan · ma Palen · ma Palata · ma Panla · ma Pilipina · ma Pilisin · ma Punawi · ma Sajusi · ma Sikimen · ma Simolete · ma Sinkapo · ma Siwewi · ma Sonko · ma Soson · ma Sulija · ma Tawan · ma Tawi · ma Tosiki · ma Tuki · ma Tuku · ma Uman · ma Utun · ma Wije