ma Nokan Wepalen
| ma Nokan Wepalen
Nordrhein-Westfalen | |
|---|---|
| ma kipisi | |
 len ma |
 sitelen lawa |
 | |
| ma Nokan Wepalen | |
| ma tomo lawa | ma tomo Tusito |
| ma suli | ma Tosi |
| toki lawa | toki Tosi |
| jan lawa | jan Ente Wi |
| mani | mani Elo |
| tenpo | UTC+1 |
| ISO 3166 | DE-NW |
| lipu ilo | https://www.land.nrw/ |
ma Nokan Wepalen (toki Tosi: Nordrhein-Westfalen /ˌnɔʁtʁaɪ̯nvɛstˈfaːlən/ [ˌnɔʁtʁaɪ̯nvɛstʰˈfaːln̩]) li ma kipisi pi ma Tosi. jan mute 18.000.000[1] li lon ma ona. ona la, ma kipisi ante pi ma Tosi li lili.
tenpo pini
[o ante | o ante e toki ilo]tenpo pini la, ma Nokan Wepalen li lon ala. tenpo mute la, ma ona li ma kipisi tu: ma Wepalen (toki Tosi: Westfalen) en ma Nokan (toki Tosi: Nordrhein). tenpo 1946-08-23 la, ma Nokan en ma Wepalen li wan tan kulupu pi ma Juke[2]. tenpo 1947-01-21 la, ma Lipe (toki Tosi: Lippe) li pana tawa ma Wepalen. nimi pi pali ona li 'pali pi wan olin' (toki Inli: Operation Marriage).
kulupu pi ma Juke li jo e ma Nokan Wepalen tan utala suli nanpa tu. taso: tenpo sike 1949 la, jan utala pi ma Juke li tawa weka. tenpo ona la, ma Nokan Wepalen li ma kipisi lon ma Tosi. tenpo ona la, ma Tosi li kipisi tu: ma Tosi pi pini suno (toki Tosi: West-Deutschland/Bundesrepublik Deutschland) en ma Tosi pi open suno (toki Tosi: Ost-Deutschland/Deutsche Demokratische Republik). ma Nokan Wepalen li lon ma Tosi pi pini suno.
tenpo 1990-10-03 la, ma Tosi tu li wan. tenpo ona la, ma Nokan Wepalen li ma kipisi pi ma Tosi wan.
nasin ma
[o ante | o ante e toki ilo]nasin telo Kan (toki Tosi: Rhein) en nasin telo Lipe (toki Tosi: Lippe) li lon.
nasin lawa
[o ante | o ante e toki ilo]jan lawa suli nanpa luka luka tu pi ma Nokan Wepalen li jan Ente Wi (toki Tosi: Hendrik Wüst)[3]. jan ona li lon kulupu CDU.
ma tomo suli
[o ante | o ante e toki ilo]ma tomo suli mute li lon ma Nokan Wepalen. nanpa jan la, ma tomo suli mute li ma tomo Kolon (toki Tosi: Köln). taso: ma tomo lawa li ma tomo Tusito (toki Tosi: Düsseldorf).
ma tomo suli suli li ni[4]:
| ma tomo | nanpa jan |
|---|---|
| ma tomo Kolon (toki Tosi: Köln) | 1 024 621 |
| ma tomo Tusito (toki Tosi: Düsseldorf) | 618 685 |
| ma tomo Tomun (toki Tosi: Dortmund) | 603 462 |
| ma tomo Esen (toki Tosi: Essen) | 574 682 |
| ma tomo Tusipu (toki Tosi: Duisburg) | 502 270 |
| ma tomo Pokun (toki Tosi: Bochum) | 358 676 |
| ma tomo Wipata (toki Tosi: Wuppertal) | 358 193 |
| ma tomo Pilepe (toki Tosi: Bielefeld) | 331 605 |
| ma tomo Pon (toki Tosi: Bonn) | 323 336 |
| ma tomo Munsa (toki Tosi: Münster) | 308 258 |
| ma tomo Kesenkiken (toki Tosi: Gelsenkirchen) | 267 930 |
| ma tomo Monkenlapa (toki Tosi: Mönchengladbach) | 267 213 |
| ma tomo Aken (toki Tosi: Aachen) | 262 670 |
| ma tomo Kepe (toki Tosi: Krefeld) | 231 406 |
| ma tomo Munsa (toki Tosi: Oberhausen) | 213 646 |
mama sona
[o ante | o ante e toki ilo]- ↑ Statistisches Bundesamt: Bevölkerung nach Nationalität und Bundesländern. (mi lukin e lipu ona lon tenpo 2024-06-05)
- ↑ Land.NRW: Geschichte des Landes Nordrhein-Westfalen. (mi lukin e lipu ona lon tenpo 2024-06-06)
- ↑ Land.NRW: Landeskabinett. (mi lukin e lipu ona lon tenpo 2024-06-22)
- ↑ Landesbetrieb IT.NRW: Landesdatenbank Nordrhein-Westfalen 31.12.2024. (mi lukin e lipu ona lon tenpo 2026-27-01)