ma tomo Paja
| ma tomo Paja
Praha | |
|---|---|
| ma tomo lawa | |
.jpg) | |
 len ma |
 sitelen lawa |
| ma suli | ma Seki |
| jan lawa | jan Bohuslav Svoboda |
| tenpo | UTC+1 |
| ISO 3166 | CZ-10 |
| lipu ilo | https://www.praha.eu/ |
ma tomo Paja (toki Seki: Praha, toki Tosi: Prag, toki Inli: Prague) li ma tomo lawa pi ma Seki. kin la ona li ma tomo pi suli nanpa wan lon ma Seki. kulupu ma Elopa la ona li ma tomo pi suli nanpa luka luka luka. telo linja Watawa li lon ona. jan 1.400.000 anu sama li lon ona.
open pi ma tomo Paja
[o ante | o ante e toki ilo]toki pi tenpo pini la ma tomo Paja li open sama ni: jan Lipuse li ken alasa e sona pi tenpo kama. ona li tawa nena suli li toki e ni:
"mi lukin e ma tomo suli. suli ona li sewi sama suno. ma kasi pi weka ala la telo linja Watawa li lon poka mute. poka la telo linja Punise li lon ma lupa. poka ante la nena kiwen li lon poka pi ma kasi Sajo. sina kama la jan li lon ma kasi li pali e anpa pi lupa tomo. o pali e tomo kiwen suli. nimi ona o tomo Paja. jan li anpa lon anpa pi lupa tomo la jan o pilin anpa lon tomo mi. ona o suli. jan pi ma ale o sona e ona."
anpa pi lupa tomo en ma Paja li nimi sama lon toki Seki.
ma pi pona lukin
[o ante | o ante e toki ilo]ma tomo Paja li pona tawa jan pi ma ante. ma mute pi pona lukin li lon ona.
nasin tawa
[o ante | o ante e toki ilo]tomo tawa mute pi jan ale li lon ma Paja. tomo tawa sike en tomo tawa linja en tomo tawa pi anpa ma en tomo tawa telo li lon. ona ale li pona tawa jan pi ma Paja. nasin linja tu wan pi tomo tawa li lon anpa ma. nimi ona li linja A li linja B li linja C. tenpo ni la lawa li pali e linja nanpa tu tu. nimi ona li linja D.