jan Alitotele

jan Alitotele Ἀριστοτέλης Aristotélēs
kalama	/a.ris.to.té.lɛːs/
ma	ma Elena
pali	jan sona
jan olin	jan Pisija

ike la lipu ni li lili. sina wile pona e ona la sina ken suli e ona.

jan Alitotele (toki Elena la: Ἀριστοτέλης, Aristotélēs) li jan sona pi ma Elena pi tenpo pini suli. ona li sitelen e lipu mute. taso tenpo ni la lipu pi mute ala li awen. jan Alitotele li pana e sona tawa jan Alekanto pi ma Maketonija. jan Alitotele li kama sona mute e sijelo kala e sijelo waso. ona li lukin e kala lon telo suli lon poka pi ma Lepo (toki Elena la: Λέσβος). ona li lukin e insa pi sike mama kin. nasin ni la ona li kama sona e kama lon pi insa sijelo.

tenpo ona la, jan pi ma Elopa li sona ala e ma Antasika. taso, jan Alitotele li pilin e ni: ma weka li lon ni, ona li ken jo e nimi Antasika (toki Elena la: ἀνταρκτικός, antarktikós). ni la, jan pi tenpo poka li kama sona e ma ni la, ona li pana e nimi Antasika tawa ona. kin la, nena ma Alitote li lon ma Antasika.

tenpo

tenpo sike nanpa 384 pi sewi Jesu ala la, ma tomo Sakela (toki Elena la: Στάγειρα) la, jan Alitotele li kama lon.

ma tomo Atena la, jan li ken nasin tu ni: jan kulupu en jan kulupu ala. jan li ken kama jan kulupu, taso jan Alitotele li kama ala jan kulupu. jan pi kulupu ala li wile awen lon ma tomo Atena la, ona li wile e ni: jan kulupu li ken e awen ona.

jan Paton li pana e sona tawa ona lon tomo sona suli Akatemija. jan Paton li kama moli la jan Alitotele li weka tan tomo Akatemija, li tawa ma Maketonija li pana e sona tawa jan Alekanto suli.

tenpo sike nanpa 335 la jan Alitotele li tawa ma tomo Atena li open e tomo sona suli ona. ona li tomo sona suli Likejon Pelipato.

jan Alitotele li moli lon tenpo sike nanpa 322.